02, Naat Shareef, Kalaam E Sayyed Shakir Husain Saifi, Khursheed O Qamar Sang O Shajar Tairo Mahi Aiy Noor E Ilahi, Ft. Zubair Raza Chishti, ZRC ACADEMY,

  

خورشید و قمر ، سنگ و شجر ، طائر و ماہی اے نورِ الٰہی
دیتے  ہیں  سبھی  تیری  نبوت   کی  گواہی  اے  نورِ الٰہی

کیاتجھ سےچُھیں ارض وسماوات کےمُضمَر، اسرارکےپیکر
بخشی  ہے  خدا  نے  تجھے   مازاغ  نگاہی  ، اے نورِ  الہی

مدحت  میں تری  ہے وَ رَفَعنا لَکَ ذِکرَک ، رفعت ہے ابد تک
ہے     سلسلۂِ    ذکر     ترا     لا متناہی   ،    اے   نور ِ الٰہی

آفاق ، تیرے جلوۂِ رخسار  سے  روشن ، ضوبار  ہیں  درپن
مہر و مہ و انجم  میں ہے کیا ؟ تیری ضیا ہی اے نور الہی

وہ رویتِ باری  میں  ترا حسنِ تحَمُّل  ،  آنکھوں  کا  تجَمُّل
خود  رب  نے  تری  خوبیِ  دیدار ،  سراہی   اے  نورِ  الہی

غزوات میں بھی شانِ تقدس کےنظارے  رحمت کےاشارے
آتے ہیں فرشتے بھی  ترے  بن  کے  سپاہی  ،  اے نورِ الٰہی

دریا بھی وہاں راستہ دیتا ہے بصد ناز ،  تاریخ ہے دم ساز
کرتا  ہے  جہاں  تیرا   کرم  ،  پشت  پناہی ،  اے  نورِ  الٰہی

آمد سے  تیری  ،  خطۂِ دل میں  ہے اجالا  ، تو  چاند  نرالا
مٹتی ہے  تری ضو  سے  گناہوں  کی  سیاہی  اے نورِ الٰہی

حُکَّامِ جہاں بھی ہیں ترے در  کے گداگر خیرات کے خوگر
باندھی ہے ترے  در کی ، وزارت ہو کہ شاہی  اے نورِ الٰہی

تو  دائرۂِ  اہلِ  نبوت   کا   ہے   خاتم   ،  اے  رحمتِ  عالم
اب   دعوىِ   پیغمبریِ   نَو    ہے    تباہی   ،   اے  نورِ  الٰہی

اعمال  کی  بنیاد  ہے  ایمان  پہ  قائم  ،  یہ حکم  ہے  دائم
ایمان  کی  ہے  جان   مگر  تیری  وِلا ، ہی ،  اے  نورِ  الہی

مخمور ِمےِ وصل ِ عنایت ہے  وہ ہر دم  ، کیا ہجر کا ہو غم
جس  نے  بھی  تری   دوستیِ  یاد  ،  نباہی  اے  نورِ  الٰہی

تجھ سےہےملی ہم کو تمیزِحق و باطل اے وحی کے حامل
تو  آمرِ  معروف   ہے  ،   مُنکَر  کا  ہے  ناہی ،  اے  نورِ الٰہی

طیبہ میں ہو گھر اب یہاں مشکل ہے گزارا ، امداد ! خدارا
ہیں   درپےِ  آزار  ،  عدو   خواہی  نخواہی ،  اے  نور ِ الٰہی

جس راہ پہ تابندہ ترے نقشِ قدم ہیں ، جنت کے عَلَم  ہیں
سیفی بھی   ہمیشہ  رہے  اُس  راہ  کا  راہی  اے  نورِ الٰہی

کلامِ :- سید شاکرحسین سیفی                  

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷