اللّه کر رہا ہے مدحت مرے نبی کی 

تم جان لو اسی سے عظمت مرے نبی کی 


خلق عظیم اس کو قرآن کہہ رہا ہے 

کتنی حسین تر ہے سیرت مرے نبی کی 


ہے عام ان کی رحمت سب کے لیے جہاں میں 

کس پر بھلا نہیں ہے رحمت مرے نبی کی؟


قدسی بھی کر رہیں ہیں اس آدمی کی توقیر 

جو کر رہا ہے دل سے عزت مرے نبی کی 


سدرہ سے بھی وہ آگے اک آن میں گئے ہیں 

حیران کن ہے کتنی سرعت مرے نبی کی 


آتا ہے رشک اس پر جنت کو ، اللّه اللّه 

رکھتی ہے شان کیسی تربت مرے نبی کی 


جب موت مجھ کو آئے اس حال میں ہی آئے 

پیش نظر ہو میری ، صورت مرے نبی کی 


عصیاں شعار راحت ، اس بات پر ہے شاداں 

میں ہوں نبی کا اور ہے جنت مرے نبی کی 


                 کلام راحت انجم                 

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷